DEAR CHARO (MMK AUDITION)

10 02 2013

MAALAALA MO NGA KAYA: KampanyaSerye 2013
Episode No. 1068 (First Draft)
Airing Date: Before the Official Campaign Period

(Before you read the post, click video for background music.)

CHAROS SANTOS:
May mga pagkakataong sinusubok tayo ng maduming sistema sa ating lipunan. Ilan sa atin ang lumalaban sa baluktot na kalakaran ngunit mas marami ang yumuyukod sa nakagisnang kultura – ang maling kultura.

Ngayong gabi, ibabahagi ko ang kuwento ng mga pulitikong nagkukumahog sa huling buwan ng free-for-all premature campaigning.

Ito ang kanilang drama, at ito rin ang istorya ng sarili kong programa… ang “Maalaala Mo Nga Kaya: KampanyaSerye 2013.”

Somewhere in Quezon City
January 2013

O, READY NA SI Ma’am Charos. Ready na rin ba ang mga candidates? Naku ‘day, ‘wag na ‘wag n’yong pinaghihintay ang boss namin. Nagwu-walkout ‘yan kapag more than one hour na siyang waiting for Godot! O sige ‘day papasukin mo na ang mga lolo’t lola mo. First come, first served. Go!


ANG LETTER SENDER natin ngayong gabi ay walang iba kundi… ako – si Charos Santos. Basahin na natin ang aking liham.

Dear Charos,

Hinding-hindi ko malilimutan ang araw na iyon. Sa loob ng isang oras ay kinilatis ko at ng aking assistant ang mga pulitikong naghahangad na maitampok ang kanilang buhay sa aking programa. (As if may interesado.)

[Candidates enter the room]

“Good afternoon Sir, Ma’am. I’m Zosimo Jamora, Suzette for short, assistant ni Ma’am Charos. Clear naman po siguro kung bakit narito tayong lahat ngayong hapon. Our drama anthology’s KampanyaSerye could only accommodate two stories sa first two weeks of February. After that, babu! ‘Di na namin kering mag-feature dahil wawarlahin kami ni Chairman Brillantes. Alam n’yo naman ang matandang ‘yon – super strict sa airtime. Kaloka! Anyway… let’s start the audition. Kung inyong mapapansin, there’s a two-way mirror sa bandang kaliwa n’yo. Sa likod n’yan ay mag-o-observe si Ma’am Charos. Impress her with your story, your slogan, your lies, your drama, your whatever, go lang. Nandito lang ako para bumato ng follow up questions. Good luck! First candidate please!

“Cynthia Villar po… dating kongresista at ngayon ay nakahandang pumalit sa aking asawa. Hanep na ang buhay dahil may hanapbuhay.”

Sa tingin n’yo po ba hanapbuhay ang pulitika?

Wala ho akong sinabing ganyan.

Wala rin ho akong sinabing may sinabi kayo. Tinatanong ko nga ho kayo.

“Nagsimula ho sa wala ang aking asawa. Nagsikap at nagtiyaga sa palengke, naligo sa dagat ng basura, at nagpasko sa gitna ng kalsada. Sa tingin ko ho ay hindi siya uunlad nang todo kung sa pulitika lamang siya umasa.”

Ang haba naman ng paliwanag ni ma’am! Oo o hindi lang, ang daming sinabi. Next na nga!

“Jackie Enrile po para sa Senado. Murang pagkain, maraming pagkain, gusto ko may pagkain kayo.”

Eh paano kung nagda-diet kami at ayaw naming kumain? Pilitan ba ito?

Ang ibig ko pong sabihin, maraming tao ang nagugutom ngayon. Sila ang nais kong tulungan.

So selective ho kayo? Hindi lahat tutulungan?

Hindi naman sa…

‘Wag mo nang sagutin! Ito na lang. Bakit dapat naming ifeature ang buhay mo?

“Kung nagbabasa po kayo ng balita, dalawang beses na akong pinagbintangang may pinatay. Wala pong katotohanan ‘yan. But I’m sure, kung may reenactment ang mga kasong ‘yan sa TV, mas interesting. Mananalo sa rating! Papatayin natin ang kalaban!”

Patay tayo d’yan! Next!

“Ako po si Grace Poe. Ang nasimulan ni FPJ… ipagpapatuloy ko.”

Senador ho ba si FPJ?

“Hindi naman po.”

So anong ipagpapatuloy n’yo?

“‘Yon pong pagtulong n’ya sa mga nangangailangan.”

In other words, makakatulong naman kayo kahit wala kayo sa Senado?

“Opo. Pero… ”

Thank you. Next!

“Sa bawat isandaang kasinungalingan ng aking mga kalaban… may pantapat akong isanlibong katotohanan. Ako po si Alan Peter Cayetano!”

Binabatikos ho ang inyong misis na si Lani dahil sa naglipanang tarps at kung anu-anong signages na may pangalan niya sa Taguig. Kaepalan daw ho ‘yon. ‘Di n’yo ba siya pinagsasabihan?

“Dapat ho siguro eh tingnan muna ng publiko ang track record ng aking asawa bilang mayora.”

Dapat ho siguro eh sagutin n’yo muna ang tanong ko.

“Uulitin ko ho… track record ho ang dapat ninyong tutukan.”

Uulitin ko ho… hindi ho ba ‘yon kaepalan?

“Hindi ho epal ang misis ko.”

(Alangan namang aminin mo.)

“May ibinubulong ka?”

Wala ho. Sabi ko po hi na lang kay Ma’am Lani. Next!

“Good afternoon! Ako po si Mitos Magsaysay! Narito… “

Next!

“Hindi pa ho ako tapos sa intro.”

Tapos na ho kami sa inyo.

“Napaka-biased talaga ng show n’yo!”

I know. Next!

“Edukasyon para sa kabataan… trabaho para sa nangangailangan. Ako po ang inyong lingkod… JV Ejercito.”

Kung life story mo ang mapipiling isadula sa MMK, payag ka bang si Jinggoy ang gumanap bilang ikaw?

‘Wag na lang.

Thank you! Next!

“Sa iyo… ang puso ko! Sa iyo… ang pagtulong ko. Sa iyo… Angara ng edukasyon. Hello po. Ako po si Sonny Angara, anak ni Edgardo at ng lalawigan ng Aurora!”

Prangkahan na po sir. Hindi masyadong fascinating ang buhay mo. Pwede bang maging hurado ka na lang sa “Showtime?”

“Gano’n?”

Ayaw mo? Choosy ka pa?

“Pwede naman.”

Pwes, pumunta ka na sa Studio 5. Now na! Ikaw ang guest hurado ngayon. Go! Next candidate please!

“Kay Nancy Binay, gaganda ang kalusugan ng mga bata. Kay Nancy Binay, gaganda ang edukasyon ng mga bata. Kay Nancy Binay… ”

Sino po si Nancy Binay?

“Ako po ‘yon.”

Why are you speaking in third person?

“Maiba naman po. Para unique.”

Unique? Eh ang slogan po n’yo similar sa slogan ng inyong tatay noong 2010?!

“Sino ho bang ini-impress ko dito, si Ma’am Charos o kayo?”

Sabehhhhh? Next na nga. Thank you naman. Next!

“Huwag pahirapan ang mga mamamayan at alagaan ang ating mga magulang. Ako po ang one and only Mr. Exposé – si Manong Ernie. Kitakits sa May!”

Ahm, Manong Ernie… musta na po? Sakaling kayo ang aming mapili, sinong Kapamilya actor ang gusto n’yong gumanap bilang kayo?

“Puwede bang ibulong ko na lang? Nakakahiya eh.”

Naku Manong Ernie, intriga ‘yan! Pero sige… ibulong n’yo na lang. Sino po?

[Manong Ernie whispers]

Ganoooooon??? Kaloka ka Manong Ernie huh. Bakit s’ya?

[Manong Ernie whispers again]

Realllllly????? Hindi kita kinakaya Manong Ernie. Anyway, keri! I’m sure mabibigyan n’ya ng justice ang role. Thank you po Manong Ernie.

2Charos,
Hindi ko rin kinaya nang ibulong sa akin ng assistant kong si Suzette ang choice na aktor ni Manong Ernie para gumanap sa kanyang buhay. Wala akong naisagot sa kanya. Inisip ko na lang, huling hiling na siguro ito ng matanda, pagbigyan na lang natin.

Ngunit ganito ang sumunod na pangyayari…

3
“Mga sir at madam… Ma’am Charos and the creative team will deliberate kung kaninong buhay ang isasadula namin sa susunod na dalawang episodes ng MMK: KampanyaSerye. Sa mga hindi mapipili, ‘wag kayong mag-alala, arami pa namang shows sa aming network. Puwede kayong mag-guest sa GGV katulad ni JV Ejercito. Mas afford n’yo ang per minute do’n.

Like Sonny Angara and Dick Gordon, pwede rin kayong maging guest judge sa “Showtime.” At kung yaman-yamanan naman kayo katulad ni Ma’am Cynthia Villar, pwede kayong bumili ng segment sa “Showbiz Inside Report.” Unfortunately, mas consistent na mataas ang rating ng katapat nilang show na “Startalk,” so may konting risk. Nasa sa inyo ‘yan.

Exception ang katulad ni Chiz na nabigyan ng chance na maging guest co-host ng halos limang buwan sa “KristTV.” Ikaw na ang maging heartthrob at maging kaibigan ng presidente. Plus pogi points din ang ma-link minsan kay Krissy.

Sa mga nagtatanong kung pwedeng magkaroon ng cameo sa “Please Be Careful With My Heart,” sorry po. Super mahal ng per second do’n. I’m sure, ‘di n’yo afford!

Inuulit ko: dalawa lamang ang pipiliin namin. At dahil transparent kami, narito po ang criteria sa pagpili:

A: Political Affiliation: 80%
Breakdown:
~ Liberal Party: 40 %
~ Independent (Priority: Female) 20%
~ Nacionalista Party (Priority: Male) 20%

B: Showbiz Connection: 20 %

With that, nagpapasalamat po kami sa mga dumating ngayong hapon sa audition. We will call you kung istorya n’yo ang aming mapipili. Thank you and good luck!”


MAHIRAP MAGDESISYON lalo pa’t halos lahat ng pulitiko sa panahon ng eleksyon ay handang gumastos nang malaking halaga makamit lamang ang tagumpay. Lahat ay kanilang gagawin upang makuha ang atensyon ng publiko, partikular na ang mga botanteng Pilipino.

Ngunit sa huli, kailangan mong pumili: kaninong buhay ang isasadula? Kaninong kuwento ang ibebenta sa masa? Kaninong istorya ang ilalako upang makuha ang suporta ng mga manonood?

Ihahayag ko ang aking desisyon sa susunod na Sabado… LIVE dito lamang sa nag-iisang progapagandocudramanthology sa telebisyon, ang “Maalaala Mo Nga Kaya: KampanyaSerye 2013.”

Maraming salamat at magandang gabi Kapamilya.”
.
.
.
.
.
.
.
.

INVESTMENT

.
.
.
.
.
.
Unfortunately, wala pong nakahula sa title ng episode natin ngayong gabi. Ang ‘di napanalunang P500 cellphone load ay mapupunta sa assistant ni Ma’am Charos Santos na si Suzette. Sabehhhh?

- End of Episode-

Note:
The first ‘episode’ of ‘Dear Charo’ came out in August 2012. For those who missed, click here.
——————————————————————————
“What kills the skunk is the publicity it gives itself.”
~Abraham Lincoln

Have a great week ahead!

I am on Twitter: @HecklerForever.





ANG ALAMAT NG PREMATURE CAMPAIGNING

2 02 2013

ISANG ARAW SA ISANG napakalapit na siyudad, nagsama-sama ang labindalawang pulitiko upang bumuo ng isang koalisyong maglilingkod sa taumbayan.

Matapos aprubahan ang kanilang kandidatura, nagpasya ang koalisyon na simulan ang pagpaparamdam sa mga botante. Daig nga naman ng maagap ang masipag kaya’t isa-isa silang naglabas ng patalastas.

u
“Gusto ko may pagkain kayo sa mesa,” sabi ng isa.

“Nais kong makapag-aral ang inyong mga anak,” sabi ng pangalawa.

“Sasagipin ko ang mga bata sa lansangan.”

“Ipaglalaban ko ang karapatan ng mga kababaihan.”

“Aalagaan ko ang kalikasan.”

“Bibigyan ko kayo ng trabaho.”

“Ipagpapatayo ko kayo ng tulay.”

“Pagkakalooban ko kayo ng pabahay.”

“Pauunlarin ko ang ekonomiya.”

Et cetera.

eree
May pumuna.
May nag-alma.
May nag-akusa ng maagang pangangampanya – isang malinaw na paglabag sa itinatadhana ng batas.

“Pebrero a-dose pa ang simula ng official campaign period,” giit nila.

Ngunit hindi natinag ang koalisyon.

“Anong pangangampanya ang sinasabi n’yo?”

“Sinabi ba naming iboto n’yo kami? Hindi!”

“Sinabi ba naming suportahan n’yo kami? Hindi!”

Ang patalastas daw ay isa lamang pagpapakilala.
Ang pag-iikot sa mga lalawigan ay hindi campaign sortie kundi pagbisita.

“Wala kaming nilalabag na batas,” paglilinaw nila.

Umayon ang Comelec. “Tama nga naman sila.”

Ginagawa ng Pangulo.
Ginagawa ng taga-Senado.
Ginagawa ng taga-Kongreso.
Ginagawa ng lahat ng pulitiko.
Ginagawa ng nasa kanan.
Ginagawa ng nasa gitna.
Ginagawa ng nasa kaliwa.

“Kami ang nasa kapangyarihan.
Kami ang tama.”

At ‘yan ang alamat ng premature campaigning.

(Bumawi na lang kayo sa eleksyon.)
——————————————————-
“It shall be unlawful for any person, whether or not a voter or candidate, or for any party, or association of persons, to engage in an election campaign or partisan political activity except during the campaign period.”
~ Article X, Sec. 80: Omnibus Election Code

Note: Section 15 of RA 8436, as amended by Section 13 of RA 9369, provides that “[a]ny person who files his certificate of candidacy within [the period for filing] shall only be considered as a candidate at the start of the campaign period for which he filed his certificate of candidacy.

We know better.

vc2Immoral?
A Pasay City priest said this ad campaign of motel chain Victoria Court invites people to “commit something bad or immoral.” Bad or immoral?!?!? Speak for yourself Father!

Epalitician of the Day
Sabik sa atensyon, anumang okasyon!

Feb 2 - QC EpalPhoto: Courtesy of Epal Watch

Sound Bites
“Sa totoo lang, there was a time, sinasabi bakla raw ako. Hindi totoo ‘yun, of course.”
~Former Senate President Ernesto Maceda (via GMA News)

Elsewhere
-Philippine Daily Inquirer: Editorial: Dynastic Hubris
-Rappler.Com: Can Jack Enrile bury the past?

Have a great weekend!

I am on Twitter: @HecklerForever.





ASK.FM 2 (YOU ASK, I ANSWER)

31 01 2013

HERE’S PART 2 of our Q & A. In case you missed, here’s Part 1. Have fun!

POL
Hi Heckler! Sabi ni Jack Enrile sa TV ad niya, hangad niyang magkaroon ng pagkain sa bawat mesa. Ikaw, anong hangad mo?

Hangad kong tigilan na nila ang mga ganyang pautot.

* * * * * * * *

May ceasefire na raw sa Senado. ‘Di na raw sila magsasalita tungkol sa pinag-aawayang milyones. Ngayong tahimik na sila, dapat na ba akong magsaya?

Hindi. Mas magduda ka!

* * * * * * * *

Ano ang masasabi mo sa offer ng Lakas CMD kay Sen. Bong Revilla na tumakbo for president sa 2016?

Sana hindi niya tanggapin.

* * * * * * * *

Bakit ba ang daming kumakampi sa Carlos Celdran na ‘yan? Subukan kaya niyang gawin ‘yun sa ibang relihiyon. Tingnan ko lang kung anong mangyari sa kanya. Nakuuuu! Subukan n’ya lang!

Bakit kaya hindi ikaw ang sumubok?! Ikaw ang atat eh. Go!

* * * * * * * *

Ang payo ni Presidente Aquino sa Simbahang Katoliko: patawarin n’yo na si Carlos Celdran. May sagot na po ba ang mga obispo sa pangulo?

Oo. Patawarin daw muna niya ang mga Arroyo.

* * * * * * * *

Naniniwala ka bang may Catholic vote?

Naniniwala ka bang may kapre?

* * * * * * * *

Sabi ng kampo ni suspended governor Gwen Garcia, “hungry for power” daw si acting Governor Agnes Magpale. What say you?

Hello kettle! I am pot. You’re black.

* * * * * * * *

Nakakaloka pala ang nangyari kay Governor Gwen. Matapos lumabas ng office, hindi na nakabalik kasi naka-padlock na. Wala na bang katapusan ang gulo d’yan sa Cebu?

Oo.

* * * * * * * *

Sunud-sunod na ang krimen sa mga malls. After ng holdapan sa Mega, may barilan naman sa Robinsons. For Christ’s sake, simbahan na lang yata ang safe na lugar ngayon!

I’m not sure.

* * * * * * * *

Sa dami ng security guards sa Megamall at sa sikip ng traffic sa paligid nito, bakit nakatakas ang mga robbers?

Bakit nagtataka ka pa?

* * * * * * * *

The other day, Senator Drilon was quoted to have said na si Sec. Mar Roxas ay tatakbo sa pagkapangulo. Ang exact words niya, “Si Mar Roxas! Oo, itaga mo sa bato.” Sa palagay mo, sure na ba?

‘Yan na naman sila. Paaasahin na naman si Korina. Hintayin na lang natin ang 2015. Mahirap na.

* * * * * * * *

Grabe naman ang Comelec. Isang taon na ‘kong nagpa-register, wala pa rin ang Voter’s ID ko. Saan ba pwedeng magreklamo?

Bakit? Eleksyon na ba bukas? Mamamatay ka ba ‘pag wala kang Voter’s ID? Kami nga two years naghintay eh. Hiyang-hiya naman kami sa ‘yo!

* * * * * * * *

eree
Ang sabi sa political ad ng Liberal Party, “Sa daang matuwid, marami ang gustong sumali, pero mayroon ding nagpapanggap lamang.” Ehem. Sino kayang pinariringgan ng Presidente?

Ahm, unang-una, hindi ko pa nakikita ang TV ad na ‘yan. Inuuna ko kasi ang Twitter. Ayan, naunahan mo tuloy ako! Kaya wala muna akong comment. Unang salvo pa lang naman ‘yan ng Liberal Party eh. Baka sa susunod, mas una kong mapanood. O pa’no, mauna na ako.
——————————————————————
“If a political party does not have its foundation in the determination to advance a cause that is right and that is moral, then it is not a political party; it is merely a conspiracy to seize power.”
~Dwight D. Eisenhower

trDonald Trump Jr.
On Twitter, Donald Trump Jr. blasted the US Navy’s decision to dismantle the damaged USS Guardian that recently crashed into the Tubbataha Reef. He called it “stupid.” Well, that ship wouldn’t be there in the first place if they’re not.

Donald Trump Jr tweeted that the USS Guardian was more important than the damaged coral reef. While his tweets generated an initial outburst online, a number of people chose to ignore the guy. In a battle of wits, you don’t attack someone who’s unarmed.

Sound Bites
“Hindi pa naman ako nakakapagdesisyon. Paghahandaan natin, pag-aaralang mabuti. Nakataya dito sambayanan so ‘pag pumasok ako, ibig sabihin handa ako. Kung saka-sakaling papasok ako paghahandaan ko ‘yan. Pag pumasok ako, ibig sabihin handa ako.”
~Sen. Bong Revilla on being considered as presidential nominee of Partido Lakas-CMD in 2016

“Talagang iniintriga ang samahan naming dalawa ng Pangulo. Ewan ko kung ano ang purpose nila para kami ay pag-intrigahin. Wala naman kaming dapat pag-intrigahan. I think the President was clear in his statement. Wala naman kaming pinagdaanang diperensya and he is satisfied with the manner by which I am working.”
~Vice President Jejomar Binay

For epal photos, email them to this address: epaliticians@yahoo.com. I will not publish your name if you wanna remain anonymous. Thank you.

I am on Twitter: @HecklerForever.








Follow

Get every new post delivered to your Inbox.

Join 107,688 other followers

%d bloggers like this: