BAGONG TAON NA! Uso na naman sina Madam Auring, Madam Rosa, Madam Suzette, at kung sinu-sino pang madam. Isama n’yo na rin sina Madam Maricel Gaskell, Madam Rene Mariano at Madam Arman Cuban. Sila ang mga self-proclaimed psychics na kadalasan ay nagbibigay ng mga hulang kasinglawak ng Milky Way at kasing generic ng Phenylephrine HCl Chlorphenamine Maleate Paracetamol.
Halimbawa:
“May maaaksidenteng celebrity sa ikatlong quarter ng taon kung hindi siya mag-iingat.”
>> Susmaryosep! Sanlibo’t sanlaksa ang artista! Kapag pumalya pa naman ang hulang ‘yan, ewan ko na lang!
[2009] Madam Suzette: “May mga nasa administrasyon na lilipat sa oposisyon at vice versa.”
>> ‘Di nga? Grabeee! Nakakagulat talaga! Kakaiba! Hindi namin na-predict ‘yon! Ikaw lang ang nakahula niyan! As in!
[2009] Madam Suzette: “Magpapatuloy ang contribution ng OFW sa ating bansa dahil sa remittances.”
>> Wow! How earth-shaking! Isang bagong impormasyon na ngayon lang nalaman ng publiko! Mabuhay ka!
Heto naman ang ‘vibrations’ ni Ms Maricel Gaskell [for 2010]:
Richard Gutierrez – May posibilidad na lumipat ng station.
Piolo Pascual – Posibleng lumipat ng station.
>> Anong station? Gas station o water refilling station? Give me a break!
Isa pang prediksyon ni Ms Gaskell:
Sharon Cuneta – Hahawak ng isang posisyon sa gobyerno.
>> Sorry! Ang tanging hinawakan ni Shawie… ensaymada! I heard, feyvorit daw niya ‘yon!
NARITO NAMAN ANG MGA vibrations at prediksyon ngayong 2011 para sa ilang kilalang tao sa ating lipunan mula sa isang bagong sibol na psychic na itatago natin sa pangalang Madam Damin: puwedeng namnamin, huwag masyadong seryosohin.
President Noynoy Aquino
Magkakaroon ka ng bagong girlfriend… pero mas mauuna kang magkaroon ng boyfriend. Kung ayaw mo itong mangyari, lumayo sa lalaking nagsisimula sa R ang pangalan.
Executive Secretary Paquito ‘Jojo’ Ochoa
Katulad ng pangulo, magkakaroon ka rin ng bago… hindi girlfriend. Bagong trabaho. Good luck!
Assistant Secretary Mai Mislang
Presidential Communications Development and Strategic Planning
Makakatagpo ka na ng superpoging boyfriend. Hindi ko lang alam kung saan, paano, at magkano.
Secretary Ramon ‘Ricky’ Carandang
Presidential Communications Development and Strategic Planning
Ipagpaliban ang planong biyahe sa papasok na taon. Huwag na huwag bibisita sa ‘Samar.’ Maraming galit sa ‘yo doon.
Attorney Edwin Lacierda
Huwag mabahala sakaling makasama sa gagawing Cabinet revamp. Abogado ka. Malaki ang tsansa mong ma-reappoint na judge… judge sa 2011 Metro Manila Film Festival!
DILG Undersecretary Rico E. Puno
Marami akong inihandang hula para sa ‘yo. Kaya lang, hindi ko talaga maalala. Next year na lang.
Sen. Panfilo Lacson
Sayang! Kung sumuko ka between July and November, baka laya ka na rin ng December. Alam mo namang naging trend ang pagpapalaya at pagdi-dismiss ng mga kaso ngayong December 2010, hindi mo pa sinamantala. Galingan mo pang lalo ang iyong pagtatago ngayong 2011… dahil nakikita kong makikita ka!
Pampanga Rep. Gloria Macapagal-Arroyo
Sa 2011, you’ll reach another milestone. Isang anibersaryo ang ipagdiriwang n’yo ni Atty. Jose Miguel Arroyo. Twenty-two years na ang iyong boob job! Good job!
PLDT Chairman Manny V. Pangilinan
Sa kabila ng disappointing box office performance ng pelikulang ‘Rosario’ (kuwento ng buhay pag-ibig ng iyong lola) na ginastusan mo ng milyun-milyong piso, gagawa ka ng isa pang pelikula na tatawagin mong ‘Manuel.’ Kuwento ito ng iyong lovelife. Mangunguna ito sa takilya! Bongga!
Ombudsman Merceditas Gutierrez
Ingatan ang tiyan. Baka ‘di ka nila masikmura.
Sen. Antonio Trillanes IV
Noong ikaw ay nakakulong, ikaw ang fourth biggest spender sa Senado. Ambilibabol? Bilib it! Madodoble ito ngayong laya ka na. Spend wisely.
Miko Morelos, Inquirer Reporter
Magkakatotoo ang prediksyon ng isang socialite. Tatama ka sa lotto. Try mo ang Suertres o kaya EZ-2 .
Manila Mayor Alfredo Lim
& Manila Vice Mayor Isko Moreno
Lalo pang titindi ang inyong bromance. Matutupad ang plano n’yong makapag-abroad – together. Sabay kayong ipapatawag ng Hong Kong government para sa isang hearing on the Manila hostage crisis.
Jessica Alfaro, Vizconde massacre witness
Madlilim ang nakikita kong kapalaran mo. Mag-alis ka muna ng shades.
Sen. Loren Legarda
Malaki ang posibilidad na mahulog ang loob mo sa isang lalaking may dugong banyaga. Napakayaman ng lalaking ito. Aalukin ka niyang manirahan sa kanyang mansion… ang Playboy Mansion!
Shalani Soledad
Kung gusto mong manatili sa iyong trabaho ngayong 2011, ipagpaliban ang planong pambabasted sa isang masugid na manliligaw. Tiyaking palagi kang may kasamang alalay o PA kapag nasa dressing room. Mahirap na.
Kris Aquino
Matatagpuan mo sa isang sosyal at pang-mayamang mall sa Makati City ang lalaking matagal mo nang pinapangarap: matipuno, matangkad, tigasin. Siya ang lalaking magmamahal sa ‘yo nang tapat; ang lalaking magiging sunud-sunuran sa lahat ng gusto mo, at ang lalaking makakasama mo 24/7 habambuhay. Isa siyang mannequin.
Ex-future president Mar Roxas
Nakikita kong halos tiyak na ang pagbabalik mo sa pamahalaan ngayong 2011. Posible ring maging tatay ka. ‘Yan ay kung ‘di ka mauunahan ng pinakamahigpit mong kalaban. Itago na lang natin siya sa pangalang ‘menopause.’
At maraming iba pa!
>> Hindi pa rin magpapakita sa media ang CPP-NPA spokesman na si Gregorio ‘Ka Roger’ Rosal. Pero magpaparamdam naman ito. Awooooo!
>> May madadakip pang mga suspek ang NBI sa bar exams blast noong September. Itatanggi nila ang alegasyon, at bilang protesta, tatakbo sila nang hubo’t hubad sa palibot ng NBI Headquarters.
>> Isasapelikula ni Carlo J. Caparas ang buhay ni Gerardo Biong, ang pulis na nasangkot sa Vizconde massacre. Ngunit hindi mabubuo ang pelikula dahil tuwing matatapos ang isang shooting day, laging may magaganap na sunog sa set.
>> Malalampasan ng Pilipinas ang matitinding bagyo. Pero kung hindi, ‘wag mag-alala… ang bagyo mismo ang lalampas sa Pilipinas. Hello Taiwan!
>> Lalo pang sisikat ang mga Azkals. #sorryvietnam #maiMGApogiRITO
>> Mag-ingat sa mga bus. Alam mo na kung bakit.
>> Patuloy na maaapektuhan ang katinuan ng isang mambabatas dahil sa bawal na gamot. Posibleng humantong ito sa paghihiwalay nila ng kanyang misis.
>> Isang pulitiko ang masasangkot sa isang iskandalo. Mag-uugat ito sa away nila ng kanyang dating kinakasamang starlet. Si pulitiko ay may kapatid din sa gobyerno, at ang kanilang ama ay… [Ayoko nang dagdagan! Delikado!]
>> Mahuhulog ang loob ng isang TV reporter mula sa isang malaking network sa isa ring TV reporter ng kalabang network. Pareho silang lalaki. Si TV reporter No. 1 ay… [Ayoko nang dagdagan! Mas delikado!]
>> And finally, tuloy na tuloy pa rin ang court battle between ABS-CBN and Willie Revillame. At wala akong pakialam!
———————————-
“We should all be concerned about the future because we will have to spend the rest of our lives there.”
~Charles F. Kettering
Survey Says
Kumusta naman ang lovelife mo ngayong patapos na ang 2010 at papasok na ang 2011:
- Panalo! Super inlove! Mamatay kayo sa inggit! 25.84%
- Oks lang. Sakto lang. Bakit nakikialam ka? 29.48%
- Lovelife?!? Tao ba ‘to? Hayop? Lugar? Pangyayari? Pagkain? 44.68%
Personal
Sa inyong lahat mula Batanes hanggang Tawi-tawi, from Asia & Oceania to Europe, Africa, the Americas and Antarctica, thank you so much for keeping me company in 2010. This has been an awesome year for this blog and YOU made it possible. YOU! YOU! YOU!
Looking and moving forward to an even more meaningful and fun-filled 2011 kasama kayong lahat!
Maraming salamat! Have a safe, healthy, and prosperous New Year!
I love you people! #chizcurls #kesongputi #chizwhiz
Share this on Facebook and Twitter: 
