ELECTIONS 2013: MGA HULA AT BABALA

23 04 2013


OUR RESIDENT psychic, Madam Kalachuchi is back with her forecasts for senatorial candidates and other prominent figures in government and politics. Madam Kalachuci has a PhD in astrology and a master’s degree in palmistry. Her previous predictions were 99.9 percent accurate.

Here are some of her latest vibrations.

Loren Legarda
Sa eleksyon, posibleng mag-No. 1 ka. Sa pag-ibig, posibleng mag-No. 2 ka. Labanan ang tukso.

Cynthia Villar
Nagbunga na ang maaga mong pangangampanya. Congratulations! After the election, you and your husband deserve a vacation. Try n’yo sa British Virgin Islands. Maganda raw doon.

Jackie Enrile
Mumultuhin ka. Dalawa sila.

Jun Magsaysay
Hahanapin ng mga botante ang pangalang “Sir Chief” sa balota. Wala silang makikita. Namimiligro ka.

Nancy Binay
Magpapatuloy ang makapanindig-balahibo mong pag-akyat sa mga surveys. Tama ang desisyon mong huwag dumalo sa mga televised debates at forums. Ang pananahimik ang iyong best asset. Keep it up.

JV Ejercito
Magkakaayos din kayo ng half-brother mong si Jinggoy… kung matatalo ka sa eleksyon.

Risa Hontiveros
Ayaw ng masa sa magaganda. Magpapangit ka. May panahon pa.

Grace Poe
Nanganganib na bumaba pa ang iyong ranking sa survey. Kumita na kasi si FPJ. Humanap ng iba pang inspirasyon.

Mitos Magsaysay
Huwag umasa sa Catholic vote. Marami sa kanila, nag-Born Again na.

Alan Peter Cayetano
Mahirap basahin ang iyong kapalaran. Wala kang masyadong isyu. Sige, isyung personal na lang. Nakikita ko ang patuloy na paglawak ng iyong anit. Mabahala.

Richard Gordon
Wala kang inuurungan, wala kang kinatatakutan, wala kang sinasanto. Dahil sa sobrang tapang mo, posibleng makaaway mo rin ang sarili mo. Kalma lang.

Sonny Angara
Bagamat taas-baba ang iyong pwesto sa survey, malakas ang aking kutob na magna-No. 1 ka! Magna-No. 1 ka sa Aurora.

Marwil Llasos
Sabi ng ‘yong campaign slogan, “Bente-bente lang po. Kay Llasos, ayos!” Ang makukuha mong boto: bente din lang.

Edward Hagedorn
Agaw-pansin ang pagkakahawig n’yo ni Erap. Dahil d’yan, iboboto ka ng masa… bilang mayor ng Maynila.

Teddy Casiño
Ang pagbatikos mo sa ginawang pang-a-ambush ng NPA sa ina ni TG Guingona ay ikakasama ng loob ng iyong boss sa Netherlands. Tawagan siya at humingi ng tawad.

Migz Zubiri
Huwag ikalulungkot ang napipintong pagkatalo. Kabayaran lang ito sa pag-upo mo noon kahit ‘di ka naman nanalo.

Koko Pimentel
Malupit ang ‘yong kapalaran. Tanggapin ang katotohanang isinilang ka upang mabiktima ng dayaan: sa pulitika o pag-ibig man. Boom!

Francis Escudero
Lahat ng lalaking nauugnay sa iyong kasintahan ay nawawalan ng career. Ibalik mo na lang siya sa kanyang mga magulang bago mahuli ang lahat.

Tingting Cojuangco
Hindi dapat umasa ng panalo sa darating na eleksyon. Mas makabubuting ibaling na lang sa pagpapabata ang iyong atensyon.

Ernesto Maceda
May exposé po ako sa inyo. Natuklasan kong matatalo kayo. Sure na.

Jamby Madrigal
Hindi epektibo ang iPad sa kampanya. Summer ngayon. Subukang mamigay ng aircon o electric fan.

Bro. Eddie Villanueva
Ang mga katulad mong Born-Again Christian ay hindi naniniwala sa hula. Pwes, hindi rin ako naniniwala sa ‘yo. Wala kang forecast!

Ramon Montaño
Pwede pa po kayong umurong. Thank you.

Bam Aquino
May matatanggap kang text message sa susunod na 24Oras. Ikagugulat mo ito. Ang laman ng mensahe, “Huwag mo na kaming isali. Nananahimik na kami.” – Ninoy at Cory

AT IBA PA…
1
Comelec Chairman Sixto Brillantes Jr.
Iwasang magbanta kung hindi naman tutuparin. Kung aalis ka sa puwesto, gawin na lang, totohanin. Huwag papansin.

Bonus na hula: Dahil sa matinding trabaho sa mga susunod na araw, dadami ang itim mong buhok.

SWS and Pulse Asia
Hihina ang pasok ng kita pagkatapos ng eleksyon. ‘Di bale, tubong-lugaw naman kayo ngayon. Mag-blowout.

1pdi
President Aquino
Huwag maniwala sa mga tsismis na may namumuo raw romance sa pagitan n’yo ni Bianca Manalo. Alam mo ang totoo. #wala

Philippine Daily Inquirer
Naimbento na po ang Google. Kung hindi sigurado sa gagamiting larawan, mag-search. Huwag tamad.

Philippine Daily Inquirer
Kapag minamasdan ko ang front page n’yo noong Sabado, nalulungkot ako. Hindi ko talaga matanggap ang inyong katangahan. Buhusan ng holy water ang taong may kasalanan. Kung hindi n’yo ito gagawin, mauulit ‘yan bago matapos ang taon.

Kris Aquino
Ay, nand’yan ka pa pala. Akala ko kasi iiwan mo na ang shows mo. Hindi tuloy ako nakapaghanda ng hula para sa ‘yo. Next time ka na lang. Thanks.
———————————————–
“There are many methods for predicting the future. For example, you can read horoscopes, tea leaves, tarot cards, or crystal balls. Collectively, these methods are known as “nutty methods.” Or you can put well-researched facts into sophisticated computer models, more commonly referred to as ‘a complete waste of time.’”
~ Scott Adams

Sound Bites
“I strongly criticize the New People’s Army’s military action on Mayor Ruthie Guingona’s convoy that resulted in the death and injury of civilians. What happened is wrong and unacceptable
~Senatorial candidate Teddy Casiño

Have a safe week!

I am on Twitter: @HecklerForever.

[Photo Credit: Philippine Daily Inquirer]





2013: MGA HULA AT BABALA

31 12 2012


NARITO ANG MGA hula at babala ni Madam Kalachuchi, ang feng shui expert na nagtapos ng Doctor of Philosophy major in Geomancy, minor in Voodoo sa Université de L’Académie Haitienne in Port-au-Prince, Haiti. Ang katauhan ng mga hinulaan ay sinadyang itago upang sila ay protektahan. Hulaan n’yo na lang.

Isang kongresista ang iiwan ng kanyang asawa. Hindi na kayang magtiis ni misis. May pangangailangan siyang hindi kayang ibigay ni mister.

Sa ikatlong quarter ng taon, hahantong sa matinding away ang inggitan sa pagitan ng dalawang senador.

Sisibakin sa puwesto ang isang taong naglilingkod sa pulitikong may mataas na katungkulan. Babalik ito sa dating trabaho.

Isang taong aktibo pa rin sa pulitika ang papanaw.

Ipapaaresto ng korte ang asawa ng isang kilalang pulitiko. Magmamatigas sila. Magbabarikada sa labas ng kanilang bahay ang kanilang mga supporters.

Magtatagumpay sa eleksyon ngunit daranas ng kabiguan sa pag-ibig ang isang pulitiko.

Hahantong sa election protest ang hindi inaasahang pagkatalo ng isang local politician. Gagamitin nito ang popular na kamag-anak upang mabawi ang nawalang puwesto.

Magkakaroon ng exodus mula sa isang malaking partido patungo sa isa ring malaking partido. Magsisimula ito sa Hulyo.

False alarm ang balitang ikakasal sina O at R. Kuntento na sila sa kasalukuyang live-in set up.

Dahil sa depresyon bunsod ng patuloy na pagbagsak ng kanyang showbiz career, isang kilalang tao ang maagang magdedeklara ng planong pagtakbo sa 2016 elections.

Masasangkot sa iskandalo ang tatlong matataas na opisyal ng gobyerno. Kakalat ang isang CD kung saan naka-save ang video ng iskandalo. Hahantong ito sa panawagang bumaba sila sa puwesto.

Panibagong setback ang malalasap ng isang personalidad. Mapipilitan itong iwan ang kinagisnang larangan.

Mauugnay sa dalawang aktres ang isang pulitikong hiwalay sa asawa. Aasa siyang magkakakulay na muli ang kanyang love life. Hindi ito matutupad.

And finally…
Wala nang makapipigil pa sa pagkatalo sa halalan nina M, M, at M.

NARITO NAMAN ang kanyang forecast sa bawat animal sign:


Year of the Dog
Walang epekto ang pagpapalit ng taon sa iyong timbang.
Patuloy ang iyong paglaki.

Year of the Dragon
Hindi ito ang tamang taon para magmahal.
Ang tamang taon ay 2003. Sorry, tapos na.

Year of the Horse
Sa papasok na taon, gawing pang-umagang priority ang trabaho.
Tigilan mo na ang Facebook!

Year of the Monkey
Mahihirapan kang humanap ng bagong iibig sa ‘yo.
‘Buti na lang sanay ka na.

Year of the Ox
Sa kalagitnaan ng taon ay may matatanggap kang masamang balita:
hindi ka talaga isinilang sa Year of the Ox kundi sa Year of the Cockroach.

Year of the Pig
Maraming pagsubok ang iyong haharapin lalo na sa romansa.
You deserve it.

Year of the Rabbit
Hindi maganda ang taong 2013 para sa iyo.
Bumalik ka na lang sa 2012. Mas bagay ka do’n.

Year of the Rat
Matatagpuan mo na ang matagal nang inaasam na partner sa buhay.
Kawawa naman siya.

Year of the Rooster
Kalimutan ang masasakit na karanasan sa nagdaang taon.
‘Wag mag-alala, may mga parating pa.

Year of the Snake
This year, lalayuan ka ng maraming tao dahil sa iyong ugali.
Shocking. Bakit ngayon lang?

Year of the Sheep
Masuwerte ang 2013 sa ‘yo. Tuluy-tuloy ang pasok ng pera.
Pagbutihin ang trabaho… bilang cashier.

Year of the Tiger
Ingatan ang taong minamahal.
Malaki-laki na rin ang nagagastos mo sa kanya.
Sayang naman.

Kung nais magpakonsulta nang personal, tawagan si Madam Kalachuhi sa telepono bilang 765-PROMISE (7766473) or visit Madam Kalachuchi’s office located at the right side of Quiapo Church. First come, first served. With free giveaways to early clients. Choose from the following items: anting-anting, pamparegla, pampatayo, and gayuma. See you there!
———————————
“The future depends on what you do today.”
~ Mohandas Karamchand Gandhi


HAPPY NEW YEAR!
Have a happy, productive, safe, and healthy 2013 everyone!

I am on Twitter: @HecklerForever.

[Astrology Photos: Travel China Guide]








Follow

Get every new post delivered to your Inbox.

Join 110,027 other followers

%d bloggers like this: