AYON SA MGA BITUIN IV

2 05 2010


MAY NAGBABADYANG GULO sa paligid batay sa alignment at galaw ng mga planeta habang papalapit ang eleksyon.

Kung hindi ka mag-iingat, posibleng mahulog ka sa dagat ng basura at ikalunod mo ito. Sumaklolo man ang iyong ina ay maaaring huli na ang lahat dahil wala na siyang kakayanang lumangoy dala ng katandaan.

Kung hindi mo naman kakayanin ang bigat ng ilang problema, malaki ang posibilidad na ma-depress ka at maapektuhan ang iyong pag-iisip. Pinapayuhang sumangguni sa psychiatrist o kaya ay sa pari.

‘Yan ay dalawa lamang sa pangkalahatang basa ng mga bituin sa mga kaganapan ngayong panahon ng eleksyon. Narito naman ang espesyal na prediksyon at kapalaran para sa inyong mga paboritong kandidato.

Sinu-sino ang papalarin? Sinu-sino ang mamalasin?

Babala.
Pangitain.
AYON SA MGA BITUIN.

BUT WAIT! THERE’S MORE! Bago nila ibahagi ang kanilang mga prediksyon, nais munang iparating ng mga bituin ang kanilang pakikiramay sa mga naulila ng isa nilang sugo dito sa lupa – si Jojo Acuin, ang tinaguriang Nostradamus ng Asya. Apparently, hindi nahulaan ni Mr. Acuin ang kanyang pagpanaw noong Huwebes, April 29.

NOPE! Hindi po ito si Jojo Acuin. Ito ay si dating Budget and Management Secretary Benjamin Diokno. Magkahawig lang talaga sila. Kung bakit narito ang kanyang larawan, hindi ko rin alam. Hindi ko nahulaan. At hindi maipaliwanag ng siyensya. Hayaan na lang natin, at laging tandaan…

“Hindi hawak ng mga bituin ang ating kapalaran. Gabay lamang sila. Meron tayong free will, gamitin natin ito.” – Zenaida ‘Syzygy’ Seva

Maria Ana Consuelo ‘Jamby’ Madrigal-Valade
Independent
Born: April 26, 1958
Sign: Taurus
Just when the stars thought na tapos na ang mga ‘eksena’ mo ngayong 2010, nagpasya kang mag-hunger strike hanggang Mayo a-diyes. In fairness to you, hindi halatang nabawasan ang timbang mo. Maybe it’s your bone structure. Or maybe, binobola mo lang kami at kumakain ka naman talaga kapag walang nakatingin. Tandaan ang sabi ni Confucius! God knows Hudas not eat! But just the same, saludo ang mga bituin sa iyong paninindigan. ‘Yan ang sagisag ng tunay na lalaki… este, tunay na ma-prinsipyong tao. Hindi ka man manalo sa pagka-presidente, panalo ka naman sa dami ng naipamudmod na bracelets. Congratulations!

Nicanor ‘Nick’ Perlas
Independent
Born: January 10, 1950
Sign: Capricorn
Ang isang environmental advocate na katulad mo ay tunay na kahanga-hanga. Hindi ka man palarin, magiging super busy ka pa rin pagkatapos ng May 10. Ikaw ang hihirangin ng susunod na pangulo upang mamuno sa paglilinis ng mga nagkalat na campaign posters at iba pang campaign paraphernalia sa buong Pilipinas.

Kung interesado kang maging DENR secretary sa susunod na administrasyon, ngayon pa lang ay maghanap ka na ng malakas na backer. Try mo si Kris.

John Carlos ‘JC’ De Los Reyes
Ang Kapatiran Party
Born: February 14, 1970
Sign: Aquarius
Aha! Ikaw pala ang choice ng Catholic Bishops’ Conference of the Philippines sa pagka-pangulo! Well, well, well… the stars are not surprised at all. Ayaw mo sa condom, ayaw mo sa pre-marital sex, ayaw mo sa population control, ayaw mo sa Reproductive Health Bill, ayaw mo sa lahat ng ayaw ng mga obispo. Perfect! Dahil d’yan, malaki nga ang tsansa mong maging presidente – presidente ng CBCP!

Bro. Eduardo ‘Eddie’ Villanueva
Bangon Pilipinas Movement
October 6, 1946
Sign: Libra
Ngayong darating na eleksyon, ipaparamdam ng milyun-milyon mong tagasunod ang suporta nila sa ‘yo. Maghapon at magdamag silang magdarasal para sa tagumpay mo. At ‘yan ang iyong ikakatalo! Malilimutan nilang bumoto! Good Lord!

Manuel ‘Manny’ Villar Jr.
Nacionalista Party
Born: December 13, 1949
Sign: Sagittarius
Mali ang taktika mong maglabas ng mga pekeng psychiatric reports na nagpapakitang mahina ang utak ng ‘yong pinakamahigpit na kalaban. Rule No. 1: Do not capitalize on the obvious.

Huwag ituloy ang planong airing ng TV ad kung saan makikitang nagtatampisaw ka sa dagat ng dumi ng tao kasama ang iyong mga kapatid. Lalong mahahalatang desperado na ang iyong PR group.

Mahirap mang gawin ngunit isang paraan lang ang nakikita ng mga bituin upang mapigilan ang patuloy na pagbulusok ng iyong survey rating: Bumili ng air time sa “The Buzz” para sa live interview ni Kris kay Nanay Curing!

Joseph ‘Erap’ Estrada
Puwersa ng Masang Pilipino
Born: April 19, 1937
Sign: Aries
May simpleng katanungan sa ‘yo ang mga bituin. Paano mo pag-iisahin ang watak-watak na sambayanan kung mismong sina JV at Jinggoy… tuloy ang plastikan?

Isang silahis na political adviser mo ang magsasabing magwawagi kang muli sa darating na halalan. Huwag maniwala! Ini-etchos ka lang niya. [Ang initials ng etchoserang adviser mong ito ay E.M.]

Ngunit ‘wag panghinaan ng loob. Kahit matalo… hindi ka mawawala sa mata ng publiko. Mananalong mayor ang ex mong si Ms. Guia Gomez sa lungsod ng San Juan at aalukin ka niyang maging First Gentleman! Astig, pare! FG ka na dude! ‘Di ka na ma-reach ‘tol!

Richard ‘Dick’ Gordon
Bagumbayan Party
Born: August 5, 1945
Sign: Leo
Hindi paborable ang galaw ng iyong mga planeta. Maulap din ang paligid ng mga bituing gumagabay sa ‘yo. Dahil dito, hihilingin mo sa korte na mag-issue ng TRO laban sa hulang ito. So, totoo pala ang balita – mas suplada ka pa kaysa sa iyong asawa.

Paalala ng mga bituin: Isa kang Autobot nang magsimula ang kampanya. Habang lumalapit ang araw ng eleksyon, huwag hayaang mamayani ang ugaling Decepticon. Chill.

Benigno Simeon ‘Noynoy’ Aquino III
Liberal Party
Born: February 8, 1960
Sign: Aquarius
May pangatlo, pang-apat, at panlimang psychiatric reports na lalabas. Pirmado pa rin ito ng mga paring taga-Ateneo. Ngunit mabubunyag na peke ang mga naturang dokumento. Plagiarized lang kasi ang mga ito sa mga previous psychiatric evaluation reports nina Obama, Oprah, at JK Rowling. Isa lang ang magiging reaksyon dito ng kapatid mong si Kris: “Nakakaloka!”

Ipinapayo ng mga bituin na isailalim sa loyalty check ang sarili. Sino ba talaga ang iyong bise-presidente? Si Mr. Palengke o ang kandidatong may B? Careful!

And finally…
Gilbert Teodoro
Lakas-CMD-Kampi
Born: June 14, 1964
Sign: Gemini
Panahon na para mag-move on sa pagtiwalag ng ekonomistang may initials na J.S. sa iyong partido. Makakahanap ka rin ng mas matalino at mas maganda kaysa sa kanya.

Ngayong darating na linggo, may ‘good news’ at ‘bad news’ kang matatanggap. Ang good news: mananaginip si Pastor Apollo Quiboloy at ibubulong daw sa kanya ng Diyos na ikaw ang dapat niyang iendorso. Ang bad news: Nasa panaginip ka rin niya. And you’re both naked. (Eeew!)

[Note: A day after this article was posted, Quiboloy announced his endorsement of Teodoro. Tumama ang hula ng mga bituin! The cult leader didn't say anything though about his 'dream.' More on this topic in the next blog post. Do comeback for updates.]
_____________________
“Take a chance! All life is a chance. The man who goes farthest is generally the one who is willing to do and dare.”
~Dale Carnegie

From Cyberspace
Rock on!

Survey Says
On Nanay Curing Villar’s press con. Your take:
Karapatan niya ‘yun. Hayaan na natin. 29%
A desperate move by Senator Villar 66%
Sino si Nanay Curing? ‘Di ko napanood. 5%

We have a new survey. Please vote now.








Follow

Get every new post delivered to your Inbox.

Join 113,848 other followers

%d bloggers like this: